Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

01/02/15

Coller as rendas


Na estupenda colección "Merliño" da editorial Xerais podemos atopar a nova criatura dun tándem que empeza a ser habitual: Yolanda Castaño e Xosé Tomás crean Coller as rendas, poesía infantil que enarbola a bandeira do respecto, esa que permite que cadaquén escolla un seu camiño, sen imposicións de raza nin de estados. E para defender esta escolla, a autora elixa animais, seres vivos que poucas veces son obxecto de trato poético, como carrachas, escaravellas, berberechas… e que son obxecto de rima e ritmo xunto cunhas ilustracións tan acaídas que mesmo amosan o proceso de creación das mesmas, como se a través dos bosquexos tamén puideramos interpretar esa necesaria liberdade de todo ser vivo, para advertir ao lector/a de que a escolla do ilustrador provén precisamente da súa liberdade creativa. Porque el, asemade, escolleu o seu camiño, como consegue amosarnos a autora con cada un dos poemas, cada un dos protagonistadas da dobre páxina, nunha femosa edición.





Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.