Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

21/10/07

Circo acrobático nacional de Pekín

Para rematar ben o día de onte, fomos ao circo. A un circo especial, polo menos para min. Podo asegurarvos que foi unha auténtica pasada velos voando polos aires... menos mal que erraron un par de veces para demostrarnos que eran humanos! Creo que absolutamente todo o público estaba conmocionado coa actuación, aplaudindo sen cesar ante a mostra de profesionalidade duns mozos e mozas que non perderon o sorriso ante a estreiteza e baixura do escenario, a todas luces insuficiente.
E non só destacan polas súas acrobacias, senón pola súa posta en escena: combinación de música, luces, baile, cores... un agasallo para calquera.
Por suposto, enriba das sillas un folleto no que se nos amosaba a súa historia e de que constaba o espectáculo, patrocinado por caixanova e concello de Lalín en CASTELÁN. E como non, anuncios en castelán, que a ninguén lle estraña. Teremos a oportunidade de vermos o noso idioma normalizado nalgún futuro afastado?


Fundado en outubro de 1950, este circo ten realizado nestes anos unha importante contribución ao mundo das acrobacias. Dende 1990 presentan shows baseados na esencia da acrobacia tradicioanl, recollendo ideas do baile, da ópera e do teatro chinés. Desde a súa fundación foi condecorado con 18 medallas de ouro en diferentes competicións internacionais, e está considerado como un dos máis importantes circos do mundo.





Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.