Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

14/05/08

Nontodovanserlibros (XXXI)

Hoxe 14 de maio cúmprense 10 anos da morte do cantante e actor nortemaericano Frank Sinatra. De alcume A Voz, foi unha das figuras máis importantes da música popular do século XX e deixou, a través dos seus discos e actuacións en directo, un legado canónico no que respecta á interpretación vogal masculina desa música. A súa popularidade chegou a ser inmensa e practicamente constante ao longo de toda a súa vida, aínda que foron especialmente exitosos os anos corenta e cincuenta, sendo esta última década a considerada como a etapa de maior calidade artística como cantante.

Tecnicamente, caracterizouse pola súa coidada precisión no fraseo e o seu dominio do control da respiración. En canto á súa categoría artística, esta radica na súa capacidade interpretativa para transmitir as emocións e sentimentos implícitos nas letras das cancións. A Sinatra recoñéceselle historicamente ter sido o primeiro cantante que fai un uso consciente dos medios de amplificación do son co obxecto de situar a súa voz por enriba do son da orquestra e aproximala á intimidade do oínte.
Ao longo da súa carreira profesional, Sinatra gravou máis de 1.300 cancións e participou en máis de cincuenta películas. Recibiu multitude de premios e homenaxes, entre os que se contan dez Grammys, o Premio da Academia de Artes e Ciencias da Gravación e a Medalla da Liberdade do goberno estadounidense. Vía Wikipedia

Sen dúbida algunha, ao falar de Sinatra véñennos á cabeza cancións como Strangers in the night, Fly me to the moon, New York New York ou a tantas veces versionada My Way. A continuación podes escoitar varias destas versións deste tema (cuxo autor orixinal é Paul Anka) que popularizou Sinatra. Formas distintas de interpretar a mesma canción.

free music


E de agasallo, a versión que fixeron os vigueses Los Piratas a finais do noventa.



1 comentario:

Anónimo dixo...

Todo un controvertido xenio da música e do cinema. Sempre se murmurou da súa relación coa mafia... e coas mulleres non digamos.
Igual moitos dos máis novos non sabedes que estivo casado con Mia Farrow, a mesma que tamén casou con Woody Allen (outro puñetero xenio) e que cando Woody se liou coa súa filla (adoptiva) Sinatra ofrecéuselle a Mia para "romperlle as pernas" ao traidor do seu marido.
Sonche cousas que teñen os xenios, están algo pasados de voltas... pero aos parviños chámannos tanto a atención!!!
Por certo... que mérito teñen os que andan nos controis cando gravan unha canción!!!
Un saúdo para todos.

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.