O máis fermoso deste libro son, sen dúbida ningunha, as ilustracións. Son tan importantes que, mesmo, se complementan con pequenas obras de arte que se conservan no Museo Guimet de Artes Asiáticas de París.
Baixo o recurso dun papaventos, a historia fálanos da importancia dos dragóns, da sorte que dá aos nenos e da súa misión: protexelos.
A beleza do libro reside tanto na historia como nas ilustracións, como adoita acontecer nos álbums ilustrados. Pero desta volta creo que priman as segundas: ese sabor oriental deixa unha pegada perdurable logo de ter o libro entre as mans.Unha obra escrita por Alexia Sabatier e ilustrada por Xavier Besse. Publicada por Edelvives.
Sen comentarios
Publicar un comentario