Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

24/06/10

Contaminar África

O petróleo asolaga poboados e terras agrícolas desde hai medio século, destrúe bosques de manglares, contamina puzos de auga potable e condeou á miseria a varios centos de miles de persoas no delta do río Níxer (Nixeria). Ata 1,5 millóns de toneladas verquéronse nos últimos 50 anos neste Delta. Con 606 campos de petróleo, o delta do Níxer subministra o 40% das importacións de cru de Estados Unidos. É a capital mundial de contaminación por hidrocarburos. A esperanza de vida nas súas comunidades rurais reduciuse a pouco máis de 40 anos nas últimas dúas xeracións. "Se este accidente do Golfo ocorrese en Nixeria, non se lle prestaría atención" denuncia o escritor Ben Ikari, membro do pobo ogoni.
Porén, a destrución constante do medio ambiente e das vidas dos nixerianos xamais recibiu tratamento mediático, non aparece nunca nos xornais, nada sabemos diso.
Lede máis, por favor, aquí.
Vía




1 comentario:

Anónimo dixo...

jo, é incrible o poder dos cartos

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.