Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

21/10/10

Centenario Miguel Hernández I

Como sabedes, o día 30 deste mes celebramos o centenario de Miguel Hernández. Na biblioteca do IES Chano Piñeiro de Forcarei estamos a traballar para lembrárllelo ao alumnado con diversas actividades que vos contaremos aquí.



Un dos libros que mercamos para a biblioteca foi La vida y poesía de Miguel Hernández contada a los niños por Rosa Navarro Durán con ilustracións de Jordi Vila Delclós, da editorial Edebé. Creo que é un bo xeito de achegarlle ao alumnado de 1º de ESO o poeta, de introducilo no seu coñecemento e que, cando menos, teñan oído falar del neste ano do seu centenario. De cando en vez intercálanse poemas e ilustracións que achegan dun xeito máis ameno a biografía deste loitador que é amosada sen adornos superfluos.




Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.