Lydie

Jordi Lafebre y Zidrou son os autores deste fermosísimo cómic, Lydie, publicado por Norma.
Un libro marabilloso, tanto polo debuxo como polo tema (e mesmo pola propia dedicatoria do autor): un milagre de solidariedade que dá pé a que unha persoa poida ser máis feliz. E esta solidariedade é de por si un milagre: o milagre do sorriso na face dunha nai; o milagre do amor; a sedución dunha rúa que loita en común.
O libro é todo en si unha preciosidade: o debuxo, a palabra, todo está posto en pro dunha sensibilidade especial que esperta só con ver a portada, posto que nesta xa ves o que non existe. Un relato para falar da morte e de como esta está presente continuamente entre nós, de como debemos aprendemos a convivir con ela e de como podemos axudar a quen o necesita. O toque caricaturesco vén dado pola voz narradora: unha pequena imaxe dunha virxe que hai na rúa onde transcorre a historia. Unha imaxe que, por certo, tamén ten a súa propia historia que contar.