Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

26/04/12

Versos en flor

 Un libriño fermoso con ilustracións de Leandro Lamas e con poemas de Carlos Fontes: Versos en flor da editorial Galaxia é un poemario para os máis pequerrechos que fan gozar aos adult@s mentres llelos len, porque están impregnados de chiscadelas e alegría, pero ao mesmo tempo cun toque de atención ao importante. As ilustracións son cadros cheos de benevolencia, eses sorrisos aos que nos ten acostumados Leandro Lamas que nos encantan.

E por que a Terra é redonda?
E por que hai días e noites?
E por que reflicte o espello?
E por que o ceo é azul?
E por que hai solpor vermello?

E por que sobe a marea?
E por que sopra o vento?
E por que o mar é salgado?
E por que cantan os merlos?
E por que flotan os barcos?

E por que a flor é de cores?
E por que voan as aves?
E por que a estrela ten brillo?
E por que hai nenos con fame
se me sobra o bocadillo?

Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.