Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

13/05/12

Los pájaros


Tiven a sorte de que me regalaran este precioso álbum en canto me falaron del e antes de velo: está xenial! Publicado por Libros del Zorro Rojo, Los pájaros conta con texto de Germano Zullo coas imprescindibles ilustracións de Albertine
O libro sorprende dende a primeira páxina, a segunda... tres páxinas sen unha soa letra cunhas ilustracións que ocupan as dúas páxinas do libro aberto a modo de cámara fotográfica. Logo, comeza poeticamente o texto: "Algunos días son diferentes"; que será o que vai suceder? E volvemos a ter páxinas ilustradas onde as palabras sobran. Ata que chegamos a "Días que podrían ser parecidos a los demás"... xa estaredes tan enganchados ao álbum que os vosos ollos tentarán captar absolutamente todo canto paxe en cada páxina mentres tentades non apresurarvos para chegar ao final.
Son as imaxes as que nesta ocasión contan a historia mentres que o texto é o acompañante. E o final... emocionaravos.
A persoa que mo regalou aseguroume que os seus sobriños querían lelo e observalo unha e outra vez, fascinados. Non vos equivoquedes: inda que non sexades nenos, pasaravos o mesmo.
Isto é poesía sobre a amizade.




11 comentarios:

Anónimo dixo...

¡UNHA XOIA!. Para min, do mellor que se publicou en álbum nos últimos meses. Efectivamente, EMOCIONA...

Im-Pulso dixo...

Desde Im-Pulso, grazas pola referencia.
Unha aperta moi grande.

Ronsel dixo...

Grazas a ti, por suposto.

rafa dixo...

estes paxaros eran moi graciosos porque levantaron ao seu coidador polo aire

carmen dixo...

Este libro estivo ben porque reflexa a solidariedade que teñen algunhas persoas

Noemí dixo...

Este libro estivo moi ben, porque fálanos dos pequenos detalles que a simple vista non apreciamos pero que están aí e pódenos traer sorpresas e alegrías,e as veces ata poden sorprendernos.

brais dixo...

este libro estivo ben, o que máis me gustou foi cando fixeron voar o home

ivan dixo...

este conto non me gustou moito, porque eran case só ilustracións

martin dixo...

este libro trata a amizade e a solidariedade está ben

yoli dixo...

Este libro fálanos da amizade e do compañeirismo, o señor aprendeu ao paxariño a voar e despois os paxaros axudaronlle a el a voar

Cris dixo...

Este libro estivo ben , móstranos que sempre hai que axudar a xente a que aprenda cousas que non sabe.

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.