Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

29/11/12

Ardalén

Impresionante o último traballo de Miguelanxo Prado, Ardalén, publicado na nosa lingua por El Patito Editorial -sae ao mesmo tempo en castelán-. Un cómic sobre a importancia da memoria, do mundo onírico, da esencia da nosa vida ou da procura da nosa identidade. Pero sobre todo, é un libro sobre a bondade e a maldade, as dúas características humanas que moven o mundo. Como escenario, unha aldea da montaña de Lugo onde poderemos identificar os nosos paisanos facilmente e onde realidade e fantasía forman un tándem perfecto. E neste tándem será delicioso perdernos, nesa mestura de documentos, fotografías, obxectos, narracións ou actas que acompañan os trazos asombrosos do autor.

Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.