Blogue de Gracia e de Anxo, blogue de pingas e de icebergs, do que nos preocupa ou nos chama a atención, de biblioteca e de aula.

21/10/15

Onde está o poliño de Rosalía?

Onde está o poliño de Rosalía? é a segunda parte de O paseo de Rosalía, un clásico de 1968 de Pat Hutchins que a editorial Kalandraka rescata para nós. Esteamos atentos a unha lectura que nun principo semella moi sinxela, xa que estamos ante un dobre xogo: a palabra e a imaxe. Porque mentres que coa palabra acompañamos a mamá galiña na procura do seu pitiño, a imaxe lévanos acompañando ao pitiño por lugares ben perigosos e con compañías que nos quitan o alento de puro medo que nos dá a insensatez deste pequerrecho que descoñece os perigos reais que lle agardan. Iso si, nada malo pasa senón que ambos se reencontran para pasearen xuntos.

Sen comentarios

Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.