Pájaro

Se vén da man de Beatriz Martín Vidal, éxito asegurado. E non podía ser doutro xeito con este Pájaro que publica Thule. Con pouca cor (brancos e grises entre os que destaca o dourado) e sen palabras, este álbum conquista para falar de moitos temas diferentes segundo o lectorado escolla, pois de nós dependerá a interpretación que lle queiramos dar, ou sexa, seremos nós quen poñamos o tema e as palabras. O resto vénnos dado de agasallo. Sobre todo, o pracer de ollar, unha e outra vez.